ஒரே மேடையில் தோன்றவிருக்கும் கமல், ரஜினி மோகன்லால், மம்முட்டி, அமிதாப்பச்சன்

மறைந்த கன்னட நடிகர் ராஜ்குமாரின் நினைவிட மண்டபத்தை கர்நாடக அரசே 7 கோடி செலவில் அமைத்துள்ளது. பெங்களூரு கண்டீரவா ஸ்டுடியோவில் அமைக்கப்பட்டுள்ள இந்த நினைவுமண்டபத்தில் ராஜ்குமாரின் வெண்கல சிலையையும் நிர்மாணித்துள்ளனர். இந்த நினைவிடத்தின் திறப்புவிழா நவம்பர் 29 -ஆம் தேதி நடக்கிறது.

இந்த விழாவில் கலந்து கொள்ள இந்தியாவின் முக்கிய நடிகர்கள் அனைவருக்கும் அழைப்பு அனுப்ப கர்நாடக அரசு முடிவு செய்துள்ளது.

கமல், ரஜினி, மோகன்லால், மம்முட்டி, சிரஞ்சீவி, அமிதாப்பச்சன் உள்ளிட்டவர்கள் இந்த விழாவில் கலந்து கொள்வார்கள் என எதிர்பார்க்கப்படுகிறது.